Skip to main content

Pardy Ki Ahmiyat 🧕🏻



Sunaon man tmhan ek raaz ek bholi si larki ka
Tha jis ka aashiyana ek huseen aaftab ke jesa
Ke jo us ki nigahon sy nigahyn chaar kar bethy
Wo bus chahy usi ka naam usi ke saye ka saya

Thi wo parion ki ek raani ke sir py taaj rehta tha
Tahaffuz har nazar har shar sy us ko saya deta tha
Wo jub nikly chaman sy door kahin to dekh ke har fard
Dekhany izzat-o-aajizi nigaahon ko jhuka leta

Tha koi raaz us ke taaj man jo jaan'ny khaatir
Chala man us pari k aashiyany ki tarf paidal
Jo man ny jaa k pucha hai koi to ek awaz aai
Hun parion ka muhafiz ha bachana kaam hi mera

Jo pucha kesy karty ho tm apny farz ko adaa
Bataya ek nacheez hun man, hai taaqat sub usi ny di
Ke jis ke sir py aa jaon tahaffuz us ko deta hun
Magar milta ha hai sub ko aik hi zaat-e-mubarak ka

Jo pucha us ka kia jo tujh to rakhty han chupa kar ke
Na tujh ko sir py lety han na leny kisi ko dety han
Bataya hun nacheez himmat nahi un ko bachany ki
Ke jis ny phera mun mujh sy nahin us par kabi jaata

Mujhe bheja tha parion ki, jahaan ki maaon ki khatir
Ke azaad or ghulamon man faraq karna mera maqsad
Magar jis ny mujhe zanjeer keh kar chora mera saath
Haqeeqat man ha pehni beriyan us ny ghulamon ki

Tajassus aasmaan par tha k itny man pari aai
Mujhe bola kahan sy ho kidhar ha manzil-e-maqsood
Man bola hun musafir aik tajassus taaj ka mujh ko
Hai laaya aashiyany aapky norani aanchal ke

Ha kia esa kamal is taaj man jo deta ha ye sub
Ye noor or ye tahaffuz izzat-o-waqar dunya ka
To boli taaj pehnaya ha us zaat-e-mubarak ne
Kaha pehno isy or bol ke ye ha tera Parda

Comments

Post a Comment

Popular posts from this blog

Cold Night

 Pal bhar man zamany beet gaye Ek shakhs ka chehra yaad raha Ek umar luta bethy jis par Us shakhs ka saaya pass raha Ek chehra phool ki pattiyon sa Muskaan hawaon ke jesi Ek shakhs ki garmi sooraj si Or chamak sitaaron ke jesi Gulshan ka samaan hota tha jab Paighaam-e-bulawa aata tha Chand pyar bhary alfaaz man jab Sakoon-e-dahr samaata tha Ek raat thi jab ham jeet gaye Is dahr ka sab kuch pal bhar man Ek raat this jab sab khatm hoa Sab haar gaye ham pal bhar man Ek pal man mera dil Gulshan sy Banjar or phir barbaad hoa Kuch kar na saka, but sehta raha Dil phir na kabhi bhi shaad hoa Ek ashq ny sab kuch bol dia Jab hont sahaara chor gaye Jis jis ka sahaara tha dil ko Mujh sy apna mun mor gaye Jab raat andheri aati ha Bus thandi aahyn bharta hun Aankhon sy dekh ke na samjha Haalan ke man audit karta hun
2 comments
Read more

Tu Bhi

  Log kehty han ke kia haal bana rakha tu ne Tu ne to khud ko devaana hi bana rakha ha Teri soorat sy chalakta tha kabi noor-e-muhabbat Tu ne ab chehra-e-purnoor hi dunya sy chupa rakha ha   Log kehty han ke hota hai zamany man hi Log aaty han faqat chor ke jaany ki khatir Dukh na kar ye to faqat aam ha is dunya man Ishq hota ha faqat paisa-o-shohrat ki khatir   Esi anmool kahani to nahi ha teri Koi anmool khazana bhi nahi khoya tu ne Tu ne bekaar hi be’chain kia hai khud ko Khud ko khud maar giraya ha faqat   goya tu ne   Man ye kehta hun ke logon ko bhala kia maloom Man ny paaya bhi bohot or bohot khoya bhi ha Umr bhar sath chaly ga mery tanhai ka saaya Meri raaton ki khushi, chain sakoon khoya bhi ha   Mujhe hasil ha pareshaani ka umda kambal Hai ataa mujh ko umar bhar ki kasak ki chaadar Mujh ko pehnaya hai zillat ka libaada us ny Beech us raah-e-khushaada py mujhe kar ke anaadar   Tu kia jaany mery...
Post a Comment
Read more

Tragic Soul of Poetry

Man haathon man samety chand lafzon ke janaazy ko Safar apna kisi manzil ki khatir waqf karta hun Kabhi dayn Kabhi bayn Kabhi oopar Kabhi neechy Kabhi edhar Kabhi udhar Kabhi aagy Kabhi peechy Kabhi mushkil banata hun Kabhi asaan karta hun Man apni shayari ka safr youn tamaam karta hun Kabhi ek laye banata hun jo dil ko kaat kar guzry Kabhi ek lafz esa daal dun jo dil man jaa utry Laga dun qafiya to husan in lafzon man bharta ha Mukammal mery misry ko mera radeef karta ha Magar bejaan in alfaaz ko kia dun k jee jayn Ke sun'ny waly har insan ke jazbaat pee jayn Koi aab-e-hayat esa jo murda ko jagaa jaye Koi jadu jo in bejaan lafzon ko utha jaye Mehez alfaz ke ghuchy to har koi banata ha Kabhi oocha Kabhi neecha to har koi sunata ha Magar alfaz ka gucha nahi shayari ha kehlaata Na ye kuch ha samajhta na kisi ko kuch ye batlaata Haqeeqat man to asli shayari ka pait bharty han Ghiza dety han, apni shayari par shayar marty han Qalam karty han sir or chaak-e-daaman apna karty han Gira ka...
Post a Comment
Read more