Skip to main content

Shattered Hope 🖤



Wo karta tha hamary sang bohot umeed ki baatyn
Kabhi sarsabz patton man chupy us noor ki baatyn

Kabhi sooraj ki kirnon ki tarha dilkash haseen baatyn
Kabhi us chaandni ronak samety hoor ki baatyn

Wo kehta tha bohot saary han log is gol dunya man
Na samjho sub ko ek jesa han sub anmol dunya man

Bohot hansta tha, kehta tha hamysha muskuraa kar k
Hun acha man bhala rakhun q khud ko man bacha kar k

Tha samjhaya nahi milti ha jannat dunya daari sy
Pujari nafs k han sub garaz sub ko savari sy

Tmhara dil bohot ha saaf par tm ko bataty han
Darindy han yahan dil ko sambhalo kaat khaty han

Nahi darty wo tm ko dukh man rota dekhny sy bhi
Haseen muskaan ki maiyat ko uthta dekhny sy bhi

Zulam ki had kahin aa kar khatam hoti nahi sahab
K jitna dil man socha ha wo bus aaghaaz ha sahab

Wo sunta tha magar kehta tha wo phir muskurahat sy
Bhala kis ko khushi ho gi kisi k haar jaany sy

Thy guzry bars kai saary mila us ko man phir ek din
Tha sanjeeda bohot karta tha baatyn muskurahat bin

Jo pucha haal-e-dil kia ha zara hum ko bhi batlaayn
Ke pheeki si hamari zindagi man rang phelayn

Wo bola kia bataon man nahin samjha tmhari baat
K kin rangon ki karty ho hamary samny faryad

Nichora tha hamary dil ko dunya ny bohot ziyada
Nahin chora tha kuch bhi is jahan ny tor k vada

Wo betha tha mehel man sath us k thy bohot sy log
Jo us k sath rehty thy tha jin ko sirf aik hi shoq

Wo betha tha sabhi paise ki hasrat rakhny walon man
Tha ban betha wo sub ka badshah paise ki dunya man

Wo larka jo kabhi karta tha baatyn haq or achy ki
Jo karta tha madad is maashry k nichly tabqy ki

Wo kehta ha ke ab baaqi nahi wajoob us kal ka
Zeher dalta ha apni paarsai man shetaanon ka

K hun majboor man bhi is jahan ka fard jo man hun
Bohot masly han is dunya man jin ka man niwala hun

Karun jo baat achi to man rehta hun sada bhooka
Jo khaon to bohot kuch cheen'na parta ha dunya ka

Ke bikta ha jahan man aaj apna ilm or eman
Jo na becho to kehlaty ho is dunya man tm nakaam

Comments

Post a Comment

Popular posts from this blog

Cold Night

 Pal bhar man zamany beet gaye Ek shakhs ka chehra yaad raha Ek umar luta bethy jis par Us shakhs ka saaya pass raha Ek chehra phool ki pattiyon sa Muskaan hawaon ke jesi Ek shakhs ki garmi sooraj si Or chamak sitaaron ke jesi Gulshan ka samaan hota tha jab Paighaam-e-bulawa aata tha Chand pyar bhary alfaaz man jab Sakoon-e-dahr samaata tha Ek raat thi jab ham jeet gaye Is dahr ka sab kuch pal bhar man Ek raat this jab sab khatm hoa Sab haar gaye ham pal bhar man Ek pal man mera dil Gulshan sy Banjar or phir barbaad hoa Kuch kar na saka, but sehta raha Dil phir na kabhi bhi shaad hoa Ek ashq ny sab kuch bol dia Jab hont sahaara chor gaye Jis jis ka sahaara tha dil ko Mujh sy apna mun mor gaye Jab raat andheri aati ha Bus thandi aahyn bharta hun Aankhon sy dekh ke na samjha Haalan ke man audit karta hun
2 comments
Read more

Tu Bhi

  Log kehty han ke kia haal bana rakha tu ne Tu ne to khud ko devaana hi bana rakha ha Teri soorat sy chalakta tha kabi noor-e-muhabbat Tu ne ab chehra-e-purnoor hi dunya sy chupa rakha ha   Log kehty han ke hota hai zamany man hi Log aaty han faqat chor ke jaany ki khatir Dukh na kar ye to faqat aam ha is dunya man Ishq hota ha faqat paisa-o-shohrat ki khatir   Esi anmool kahani to nahi ha teri Koi anmool khazana bhi nahi khoya tu ne Tu ne bekaar hi be’chain kia hai khud ko Khud ko khud maar giraya ha faqat   goya tu ne   Man ye kehta hun ke logon ko bhala kia maloom Man ny paaya bhi bohot or bohot khoya bhi ha Umr bhar sath chaly ga mery tanhai ka saaya Meri raaton ki khushi, chain sakoon khoya bhi ha   Mujhe hasil ha pareshaani ka umda kambal Hai ataa mujh ko umar bhar ki kasak ki chaadar Mujh ko pehnaya hai zillat ka libaada us ny Beech us raah-e-khushaada py mujhe kar ke anaadar   Tu kia jaany mery...
Post a Comment
Read more

Tragic Soul of Poetry

Man haathon man samety chand lafzon ke janaazy ko Safar apna kisi manzil ki khatir waqf karta hun Kabhi dayn Kabhi bayn Kabhi oopar Kabhi neechy Kabhi edhar Kabhi udhar Kabhi aagy Kabhi peechy Kabhi mushkil banata hun Kabhi asaan karta hun Man apni shayari ka safr youn tamaam karta hun Kabhi ek laye banata hun jo dil ko kaat kar guzry Kabhi ek lafz esa daal dun jo dil man jaa utry Laga dun qafiya to husan in lafzon man bharta ha Mukammal mery misry ko mera radeef karta ha Magar bejaan in alfaaz ko kia dun k jee jayn Ke sun'ny waly har insan ke jazbaat pee jayn Koi aab-e-hayat esa jo murda ko jagaa jaye Koi jadu jo in bejaan lafzon ko utha jaye Mehez alfaz ke ghuchy to har koi banata ha Kabhi oocha Kabhi neecha to har koi sunata ha Magar alfaz ka gucha nahi shayari ha kehlaata Na ye kuch ha samajhta na kisi ko kuch ye batlaata Haqeeqat man to asli shayari ka pait bharty han Ghiza dety han, apni shayari par shayar marty han Qalam karty han sir or chaak-e-daaman apna karty han Gira ka...
Post a Comment
Read more