Skip to main content

Mera Lahore

 


Man kachi eent ki devaar ke ghar man hua paida

Jidhar ka kona kona us zamany ki alamat ha

 

Jisy guzry zamany ho chuky ab tak slaamat ha

Mera shehr-e-Lahore apny hi andar ek ajooba ha

 

Lahore ek khaas khitty sy nikal kar barh bhaly jaye

Magar mery liye abhi tak ye unhi galiyon py mabni ha

 

Jidhar galiyon man bachy ab bhi youn hi muskuraaty han

Ke goya dunya k sab raaz-o-makhfi sy ye waqif han

 

Bohot doori ha un man or maghrib ki bulandi man

Wo pasti man bhi raaton ko sakoon ki neend soty han

 

Jahan koi kisi ko apna kehny sy bhi qasir ha

Wahan par ajnabee ko bhi wo apna bhai kehty han

 

Mehez khitta-e-arz hony sy bartar ha muqaam us ka

Wo dil man raaj karta ha wo mann man ghar banata ha

 

Zameen ke tukry sy barh kar wo ek ehsaas ha esa

Ke jesy hath thaamy apna koi sath chalta ha

 

Wo ek maa ki tarha matti sy pahly parwarish kar ke

Bary bhai ki tarha mushkilon sy door rakhta ha

 

Wo Baba ki tarha bhatky howon ko raah dekhata ha

Wo behnon ki tarha dil sy laga kar pyar karta ha

 

Mujhe us ghar sy nikly bhi bohot arsa ha beeta par

Mera ghar ab bhi mery samny esy hi rehta ha

 

Ke jesy man wahin par hun abhi ye mera bachpan ha

Ke jesy kachi devaaron ki Khushbu ab bhi zinda ha

 

Mujhe mera Lahore or us ki zeenat phir mili jesy

Nahi bichra kabhi man us haseen mitti k phoolon sy

 

Hai ek insan jis man youn mila mujh ko mera Lahore

Jesy ho koi nayaab moti door nazron sy

 

Mera Delhi mera Masti mera Bhati mera Mori

Mera Mochi o Taxali o Kashmiri o Lahori

 

Ho Sheranwala ya ho Yakki o Shah Alam ka darwaza

Wohi ha Roshnai ka wohi Akbari ka darwaza

 

Wo ha Badshahi masjid or wohi Jodha ka mandir ha

Usi ki muskuraahat par khatam Shahi Qila tak ha

 

Mehez baaton ki baaton man bayaan ye karna man chahun

Keh us ko dekh kar youn hi mujhe sakoon milta ha

 

Keh jesy ho mila mera hi apna ghar kabhi mujh ko

Mera wo ghar bhi tm hi ho, mera Lahore bhi tm ho

Comments

Post a Comment

Popular posts from this blog

Cold Night

 Pal bhar man zamany beet gaye Ek shakhs ka chehra yaad raha Ek umar luta bethy jis par Us shakhs ka saaya pass raha Ek chehra phool ki pattiyon sa Muskaan hawaon ke jesi Ek shakhs ki garmi sooraj si Or chamak sitaaron ke jesi Gulshan ka samaan hota tha jab Paighaam-e-bulawa aata tha Chand pyar bhary alfaaz man jab Sakoon-e-dahr samaata tha Ek raat thi jab ham jeet gaye Is dahr ka sab kuch pal bhar man Ek raat this jab sab khatm hoa Sab haar gaye ham pal bhar man Ek pal man mera dil Gulshan sy Banjar or phir barbaad hoa Kuch kar na saka, but sehta raha Dil phir na kabhi bhi shaad hoa Ek ashq ny sab kuch bol dia Jab hont sahaara chor gaye Jis jis ka sahaara tha dil ko Mujh sy apna mun mor gaye Jab raat andheri aati ha Bus thandi aahyn bharta hun Aankhon sy dekh ke na samjha Haalan ke man audit karta hun
2 comments
Read more

Tu Bhi

  Log kehty han ke kia haal bana rakha tu ne Tu ne to khud ko devaana hi bana rakha ha Teri soorat sy chalakta tha kabi noor-e-muhabbat Tu ne ab chehra-e-purnoor hi dunya sy chupa rakha ha   Log kehty han ke hota hai zamany man hi Log aaty han faqat chor ke jaany ki khatir Dukh na kar ye to faqat aam ha is dunya man Ishq hota ha faqat paisa-o-shohrat ki khatir   Esi anmool kahani to nahi ha teri Koi anmool khazana bhi nahi khoya tu ne Tu ne bekaar hi be’chain kia hai khud ko Khud ko khud maar giraya ha faqat   goya tu ne   Man ye kehta hun ke logon ko bhala kia maloom Man ny paaya bhi bohot or bohot khoya bhi ha Umr bhar sath chaly ga mery tanhai ka saaya Meri raaton ki khushi, chain sakoon khoya bhi ha   Mujhe hasil ha pareshaani ka umda kambal Hai ataa mujh ko umar bhar ki kasak ki chaadar Mujh ko pehnaya hai zillat ka libaada us ny Beech us raah-e-khushaada py mujhe kar ke anaadar   Tu kia jaany mery...
Post a Comment
Read more

Tragic Soul of Poetry

Man haathon man samety chand lafzon ke janaazy ko Safar apna kisi manzil ki khatir waqf karta hun Kabhi dayn Kabhi bayn Kabhi oopar Kabhi neechy Kabhi edhar Kabhi udhar Kabhi aagy Kabhi peechy Kabhi mushkil banata hun Kabhi asaan karta hun Man apni shayari ka safr youn tamaam karta hun Kabhi ek laye banata hun jo dil ko kaat kar guzry Kabhi ek lafz esa daal dun jo dil man jaa utry Laga dun qafiya to husan in lafzon man bharta ha Mukammal mery misry ko mera radeef karta ha Magar bejaan in alfaaz ko kia dun k jee jayn Ke sun'ny waly har insan ke jazbaat pee jayn Koi aab-e-hayat esa jo murda ko jagaa jaye Koi jadu jo in bejaan lafzon ko utha jaye Mehez alfaz ke ghuchy to har koi banata ha Kabhi oocha Kabhi neecha to har koi sunata ha Magar alfaz ka gucha nahi shayari ha kehlaata Na ye kuch ha samajhta na kisi ko kuch ye batlaata Haqeeqat man to asli shayari ka pait bharty han Ghiza dety han, apni shayari par shayar marty han Qalam karty han sir or chaak-e-daaman apna karty han Gira ka...
Post a Comment
Read more